अहिल्यानगर जिल्ह्यातील अकोले तालुक्या मधील लिंगदेव या गावाची जुनी ओळख खडकवाडी या नावाने असून या मागील इतिहास असा आहे. की पांडवांनी या ठिकाणी श्री लिंगेश्वर व खडकेश्वर देवस्थान (५ शिवलिंग एकत्रित पिंड) स्थापित केले होते. खडकेश्वर देवस्थानच्या नावावरून या गावात जुने नाव खडकवाडी असे होते. गावास ऐतिहासिक पौराणिक महत्त्व प्राप्त असलेले देवस्थान म्हणजे लिंगेश्वर महादेव देवस्थान हे आहे. या देवस्थान बाबतचा ऐतिहासिक माहिती अशी की हे देवस्थान पांडवकालीन असून ,सन:- १६२५ ते १६६४ या काळात शहाजीराजे हे पेमा देवीच्या किल्ल्यावरून शिवनेरी किल्ल्याकडे जाताना श्री लिंगेश्वर महादेव देवस्थानचे दर्शन घेतल्याशिवाय जात नसत. त्या काळात शहाजीराजांनी स्वराज्य स्थापनेचा संकल्प हा प्रथम श्री लिंगेश्वर महादेव देवस्थान मंदिरात केला होता. या प्रयत्नाला जरी यश त्याकाळी आले नसले तरी छत्रपती शिवाजी महाराजांनी वडिलांच्या या प्रयत्नापासून स्वराज्य स्थापनेची प्रेरणा मात्र घेतली व छत्रपती शिवाजी राजे स्वराज्य स्थापनेच्या कार्यात यशस्वी झाले.